AMEA Naxçıvan Bölməsinin Rusiyaya ezam olunmuş əməkdaşları Vətənə qayıdıblar. İyun ayında Tarix, Etnoqrafiya və Arxeologiya İnstitutunun elmi katibi, tarix üzrə fəlsəfə doktoru Yaşar Rəhimov və şöbə müdiri, tarix üzrə fəlsəfə doktoru, dosent İlhami Əliyev Naxçıvanla bağlı arxiv sənədlərinin toplanması məqsədilə Sankt-Peterburqda Rusiya Dövlət Tarix Arxivində axtarışda olublar. Ezamiyyədən qayıdan tədqiqatçıları AMEA Naxçıvan Bölməsinin sədri, akademik İsmayıl Hacıyev qəbul edib. Görüş zamanı İlhami Əliyev ezamiyyə müddətində axtarış apardıqları arxiv və əldə olunan sənədlər haqqında ümumi məlumat verib. Sonda İsmayıl Hacıyev tədqiqatçılara toplanan sənədlərin uyğun istiqamətlər üzrə sistemləşdirilməsi ilə bağlı bəzi tövsiyələr verib. Toplanan sənədlər barədə məlumatlar ən yaxın zamanda ictimaiyyətə bildiriləcəkdir.
Naxçıvan şivələrinin kompleks şəkildə tədqiqinə həsr olunan yeni monoqrafiya
Qədim türk mifologiyasının Naxçıvandakı izləri monoqrafik təqdimatda
Sankt-Peterburqdan Naxçıvanla bağlı 300-dən artıqarxiv sənədi əldə olunub
"Qərbi Azərbaycana qayıdış" festival-konqresi
